Monday, January 27, 2014

"ලව් එකට ඇගිල්ල තියන්න"

 පුරාතන ශ්‍රී ලංකාව තුන් සිංහලය විදිහට බෙදිලා තිබුනා ..රුහුණු පිහිටි මායා කියල දැන් ඉතින් අහන්න එපා "ලව් එකට ඇගිල්ල තියන" එකෙයි.. තුන් සින්හලෙයි සම්බන්දෙ මොකක්ද කියල ...තුන් සිංහලය එහෙමත් නැත්නම් රුහුණු පිහිටි මායා කියල බෙදුණු තැන කටුගස්තොට.. මහවැලි ගගෙන් ඒ තුන් දිසාවම බෙදෙන තැන හොදටම කැපිලා පේනවා ..සුන්දර මහා වැලි ගගෙන් ..ඒ තුන් දිසාව බෙදෙන තැන තියෙනවා ,,අපුරු පන්සලක් ...පන්සලේ නම "ත්‍රී සිංහල සීමාරාමය" ...එතනින් තමා තුන් සිංහලය බෙදෙන ඉම ..පුංචි සන්දියේ ඉස්කෝලේ යන කාලේ කටුගස්තොට තිබුන මහා විසාල මාර ගහේ ඉංග්‍රීසි පන්තියක් ගැන පෝස්ටරයක් ගහල තිබුනා .."ජයවර්දන රත්නායක මෙහෙයවන ඉංග්‍රීසි කතා පුහුණුව ..ලිවීමට පොත් පත් පෑන් නොමිලේ සපයනු ලැබේ" කියල තිබුනා. ..ඉතින් මගේ සම වයස් මිත්‍රයෝ දෙන්නෙකුත් මාත් මේ පන්තියට සහබාගි වෙන්න සතියේ දවසක හවස් වරුවේ ත්‍රී සිංහල සීමාරාමෙට ගියා ..පන්සලේ හරි ලස්සන හිටි පිළිමයක් තියෙනවා ..සුන්දර මහා වැලි ගං කොමලියට මායිම්ව සුදු වැලි තලාව ..කුඩා දර්ම ශාලාවේ පන්තිය පැවැත් උනා ..කෙට්ටු උස ගාම්බීර පෙනුමක් තියෙන ඉරි කමිසයක් ඇදගත්ත යුරෝපා පෙනුමක් තිබුණු ගුරු බවතා ආවා .. පන්තිය ගැන මුලික දේශනයක් දුන්නා ..නවීන විදිහට ඉගැන්වීම් ගැනත් කිව්වා ..වැඩිය කට්ටිය හිටියේ නෑ ..අපි ඔක්කොම හිටියේ හත් දෙනයි ..එක ගැහැණු දැරිවියක් හිටියා ..පලවෙනි දවසේ ඉංග්‍රීසි භාෂාව ගැන වචන ගැන පැහැදිලි කරලා දුන්න ..අපි බලාපොරොත්තුවෙන් ගිය පොත් වෙනුවට ..හාප් සීට් කොළ දෙක බැගින් සහ පෑනක් දුන්න ලියන්න ...පන්තිය ඉවර වෙලා යද්දී සර් කිව්වා "හොදයි එහෙමනම් කොළ දෙක ගෙදර අරන් යන්න.. පෑන් තියල යන්න ,,ලබන සතියේ එන්න.. චෙරියෝ" ..කිව්වා ,,ඒ මගේ දෙවැනි ඉංග්‍රීසි ටියුසන් පන්තිය ,,ඒ සර් නම් සිංහලෙනුත් කතා කරන හින්ද හොදයි කියල මට හිතුනා .නැත්නම්( පලවෙනි ඉංග්‍රීසි පන්තියේ වෙච්ච සිදුවීම වගේ අකරතැබ්බයක් මට උනානම් වෙන්නේ පන්සල ලගින්ම ගලා ගෙන යන මහවැලියට පනින්න ..).ඉතින් ඊලග සතියෙත් අපි ගියා පංතියට .එදා අපිට පොඩි ටියුට් එකක් දුන්නා ..ඉංග්‍රීසි සින්දුවක් තිබුනා ඒ ටියුට් එකේ ..බෆල් සෙට් එකෙන් ඒ සින්දුව වාදනය වෙද්දී අපි අර කොලේ තියන සින්දුවේ වචන වලට ඇගිල්ල තියන්න ඕනේ ...එදා පන්තියේ හිටියේ හතර දෙනයි ..අපි තුන් දෙනයි අර ගැහැණු ළමයයි විතරයි ..කලින් හිටිය අය ඇවිත් තිබුනේ නිකම් පොත් ලැබෙයි කියල වෙන්න ඇති ..ඉතින් දැන් සර් සින්දුව වාදනය කරා ...සර් අපි ඉස්සරහම ..අනිත් කට්ටිය දිහා බලන් නැතුව තම තමන් ඒ වචන වලට ඇගිල්ල තියන්න කිව්වා ..මගේ ලග හිටිය මගේ යාළුවා සමරේ ..හොදටම දාඩිය දාලා ..සර් අපේ යාලුවට ටිකක් සැර දැම්ම .."ළමයා ඔය කොහෙද ඇගිල්ල තියන්නේ.. ලව් කියද්දි ලව් එකට ඇගිල්ල තියනවා "..සමරේ සෑහෙන්න අසරණ වෙලා.. ගීතය දිගටම යනවා සමරෙගේ ඇගිලි වෙන වෙන වචන වලට තියවෙනවා ....ආයෙත් සර් "මොකක්ද ළමය ඔය ලව් එකද ?ලව් එකට ඇගිල්ල තියනවා.ලව් අදුරන් නැද්ද ..ලව් එකට ලව් එකට ඇගිල්ල තියනවා ."..හොදම දේ තමා ..සමරෙට එහා පැත්තෙන් හිටියෙ අර තනි ගැහැණු ළමයා ..යාන්තම් ගීතය අහවර උනා ...සමරේ සැනසුම් සුසුම් හෙලුවා .."හොදයි ළමයිනේ අපි ආයෙත් ලබන සතියේ හම්බ වෙමු.. හිතින් සින්දුව රස විද විද යන්න පෑන් තියල යන්න ලබන සතියේ ආයේ එන්න චෙරියෝ" ..කියල සර් කිව්වා.."ඔය ළමයා ලව් එකට ඇගිල්ල තියන්න පුරුදු වෙලා එන්න" එහෙම කිව්වේ සමරෙට . ..ඊලග සතියේ මන් පන්ති යන්න කටුගස්තොට බහිද්දී මගේ යාළුවො දෙන්න කිව්වා ආයේ පන්ති නොයා ඉමු කියලා ..මන් ඇහුව ඇයි කියල .."ඒක හරි යන්නේ නෑ .මචන් "ලව් එකට ඇගිල්ල තියන්න" කියනවා" කියලා සමරේ කිව්වා ..ඉතින් එදායින් පස්සේ ඒ පන්තියට ගියේ නෑ ..අර ගැහැණු ළමය විතරක් ගියාද නැත්නම් එදායින් පස්සේ පන්තිත් නැවතුනාද කියන්න නම් දන්නෙ නෑ ..කොහොම උනත් ලස්සන සිදුවීමක් ..එදායින් පස්සේ මන් සිය දහස් වතාවක් ත්‍රී සිංහල සීමාරාමේ ගාවින් ගියත් මට ඒ පන්සලට යන්න බැරි උනා ..ඉන් පස්සේ ඒ සර් ගේ පෝස්ටර් දැක්කෙත් නෑ ..හැබැයි අදටත් ස්ටීව් වොන්ඩර් ගේ i just called to say i love you සින්දුව ඇහෙද්දී ත්‍රී සිංහල සීමාරාමේත් ..ඒ සර් වගේම හීන් දාඩිය දාල ලව් එකට ඇගිල්ල තියපු සමරෙත් මට මතක් වෙනවා ..

Sunday, January 19, 2014

"යක්කල රාත්‍රිය "

එක්තරා දවසක මන් කොලබ ඉදල නුවර එමින් හිටියේ මාතලේ කොලබ ඉන්ටර්සිටි බස් එකක ..විඩාබර ගතියත් මහන්සි ගතියත් නිසා බස් එක කැළණි පාලම පහුකරද්දිම වගේ මන් නින්දකට වැටුනා ..හදිස්සියේම ලොකු සද්දයක් එක්කම නින්ද කැඩුනා ..බස් එකේ අයත් කෑගහන්න පටන් ගත්ත ..බස් එක අනතුරකට ලක් වෙලා ..ඉදිරියෙන් ආව ත්‍රී විල් එකක් අනතුරකට ලක් වෙලා ..ඔක්කොම වගේ බස් එකෙන් බහිනවා ..මමත් ඔය අව් අස්සේ බස් එකෙන් බැහැ ගත්තා ..දොරින් බහිද්දිම වගේ දැක්ක ත්‍රී විල් එකේ ඩ්‍රයිවර් ලේ විලක් මැදින් කට්ටිය වාහනයක දාගෙන අරගෙන යනවා ..එතන හිටි අය කතා බහ කල හැටියට ත්‍රීවිල් රියදුරා මිය ගියපු තත්වයක් උදා වෙලා තිබුනේ ... ටික වෙලාවකින් ඒ හරිය සන් සුන් උනා ..පොලිසියේ අය ඇවිත් .."කෝ මේ බස් එකේ ඩ්‍රයිවරුයි ගෝලය යි" කියල බලද්දී ...දෙන්නම පැනල ගිහින් ..බස් එකේ ආව කට්ටිය දැන් ඉතුරු සල්ලි ගන්න විදිහක් නැතිව අදෝනා තියනවා ..මගෙත් රුපියල් දෙදාහක් ..
එක්කෙනෙක් ඉදන් කිව්වා "රාලහාමි අපේ ඉතුරු සල්ලි ගන්නේ කොහොමද "කියල
.."හෙට උදේ යක්කල පොලිසියට එන්න අපි උන් දෙන්නව කුදලන් එන්නම් "කියල පොලිසියේ අය කිව්වා .."සර් අපි මාතලේ ඉදන් යක්කලට ඇවිත් යන්න ඉතුරු සල්ලි වගේ දෙගුණයක් යනවනේ" කියල තව කෙනෙක් කිව්වා ..."එතකොට තමුන් කියන්නේ මට හෙට මාතලේට ඇවිත් සල්ලි දීල යන්න කියලද ..හා හා දැන් කට්ටිය එන බස් එකක නැගල ගෙවල් වලට යන්න" පොලිසියේ අයගේ ප්‍රති උත්තර එපමණයි ,, ඒ එක්කම වගේ නුවර බස් එකක් ආව කට්ටියම ඒ බස් එකට නැග්ග ..මට පාර මාරු වෙන්න බැරි උනා ..අතේ බරට බරේ ලොකු පොත් ගොඩකුත් උස්සගෙන අපහසුවෙන් හිටිය නිසා ..යාන්තමට වගේ තිබ්බ වැහි පොද ටිකක් තද වැස්සක් බවට පත් උනා ..වෙලාව රෑ 10 ත් පහුවෙලා.. ඒ හරිය අන්දකාරෙන් වැහිලා.. යක්කල ටවුන් එකත් පහුවෙලා ටික දුරක් ඇවිත් ..කිසිම කෙනෙක් හිටියේ නෑ පේන තෙක් මානෙක ..ලග තිබුන කඩවල් තුනත් වැහිලා තිබුනා ..ඈත යන බස් ආවත් ඒ එක බස් එකක් වත් නතර කරෙත් නෑ . 
මන් හිටියේ කඩයක් ඉස්සරහා ටකරමක් යටට වෙලා ..හොදටම වැස්ස ඇද හැලෙනවා .මුළු ඇගම තෙත බරියන් වෙලා ....පාරේ කිසිම වාහන සද්දයක් නැතිව තියන මොහොතක හදිසියේම මගේ ඉස්සරහින් රතු පාට ත්‍රී වීල් රථයක් මදක් දුරට ගිහින් නතර කරලා .."මහත්තය කෑගල්ල ට යන්න පුළුවන් " ..මමත් දුවන් ගියා.. ඒ වෙලාවේ හැටියට දෙය්යෝ කඩා පාත් උනා වගේ ..මන් ඇහුව කෑගල්ලට කීයද කියල.. 'දෙසීයක් දෙන්න" කිව්වා ..මන් නැගලා ඇහුව කෑගල්ලේ කොහෙද කියල,, "නුවර යන්නේ" කීව .. "නුවරටම කීයද කියල" අයෙත් මන් ඇහුවා "සියේ දෙකයි දෙසීයක් දෙන්න" කිව්වා ..ටික දුරක් එන ගමන් නුවර කටුගස්තොට එන ත්‍රී වීල් එකක් බව දැනගත්තා ....පිටිපස්සේ දෙපැත්තේ තිබුන බල්බ් දෙකක් පත්තු වෙනවා ,, ..ඉස්සරහ දේව රූප ගොඩක් එක්ක බුදුන් වහන්සේගේ රූපයක් ඊට යටින් බුදු සරණයි කියල ඉස්ටිකර් එකක් තිබුනා ..රතු පාට මල් මාලයක් දේව රුප මැදින් එල්ලිලා ..රියදුරු කලූ පාටට හුරු තොප්පියක් දාල හිටියේ ..ගමන දැන් එනවා ..විස්තර කතා කරාම ඔහු කිවේ කොලබ හයර් දුවන බවත් එක තැනක නොසිට හැම තැනම වීල් එක යන බවයි ..කටුගස්තොට ඉන්නේ කියල කිව්වත් මන් දන්නා උදවිය ගැන අහද්දී ඒ කිසිවෙකුත් නාදුනන බවත් කිව්වා ..අතර මග රඹුටන් වෙළෙන්දෝ පාර දිගට හිටිය ,, ..එක තැනකින් රඹුටන් අරන් ඉස්සරහ ඩ්‍රයිවර් ට බෑග් එක දික් කරා.. එකක් ගත්ත ගමන් තව ගන්න කිව්වත් ඊට වඩා ගත්තේ නෑ ඔහු .. ..ඔහොම නුවර පාරේ තවත් ඉස්සරහට එද්දී දන්සල් කට්ටියක් කෑම කන්න එන්න කියල වාහනේ නතර කරා මගෙන් "කනවද" ඇහුවා.. මන් කිව්වා "මොකද කියන්නේ කමුද" ඇහුවත් "නෑ වෙලා ගියානේ අපි යමු " කියල එතනින් පිටත් උනා ..කෑගල්ල පහුකරලා මීපිටිය පල්ලම ගාවදි පොලිසියෙන් නතර කරා ..ඔහු බැහැල ගිහින් විනාඩියෙන් අවා.. ..මාවනැල්ල පහුකරලා ගනේතැන්න හරියේදී වාහනේ නතර උනා.. ..වාහනේ තෙල් ඉවර වෙලා ..මන් බහින්න හැදුවත් මට බහින්න එපා ..කිව්වා ..මගෙන් ඇහුවා මහත්තයා ඊලග ෂෙඩ් එක කොහෙද කියල මන් කිව්වා "කඩුගන්නාව" කියල .."ලග මාවනැල්ලද කඩුගන්නවද" කියල .අයෙත් මගෙන් ඇහුවා .මාවනැල්ල ලග කිව්වම ආපහු මාවනැල්ල ටවුමට ගිහින් තෙල් ගැහුවා ,,මන් සල්ලි දෙන්න හැදුවත් එපා කියල ඔහු සල්ලිත් දුන්න ..කඩුගන්නාව කන්ද අතර මගදී ත්‍රී වීල් එකේ ඉස්සරහ හෙඩ් ලයිට් එක පත්තු උනේ නෑ ..වැස්ස තදේටම ..කලුවරේම දැන් එනවා නුවරට ..ඒ අල්ල පනල්ලේ එක දිගට මගේ ජංගම දුරකථනය නාද වෙනවා ..නමුත් මේ භාවතිසය මොහොතේ මට උත්තර දෙන්නත් බෑ .. කිසිම කතා බහක් නෑ ..මට දැන් හොදටම විස්වාසයි මේ පුද්ගලයා නුවර ගැන එච්චරම නොදන්නා කෙනෙක් වග ..කොහොමින් කොහොම හරි නුවර ටවුමට ආවා ..පාන්දර එකත් පහුවෙලා ..ඔරලෝසු කනුව ලග කිසිම බස් එකක් නෑ ..
"මහත්තය බස් නෑ නේද ..කමක් නෑ ..ගමටම යන්" කීවා ..
මාත් ඉතින් වෙලාවේ හැටියට කැමති උනා ..කොහොම හරි අපේ ගමටම ආවා ..ගෙවල් කොහෙද ඇහුව ..මන් අපේ ගෙදරට යන අතුරු පාර පෙන්නුවා ..ඒ පාර වැස්සට හොදටම මඩ වෙලා ..
ඒ පාරේ මගක් ගිහින් මන් කිව්වා "ඇති අපේ ගෙවල් අර ඉස්සරහ මන් මේ ටික පයින් යන්නම්" ..
"කමක් නැද්ද මහත්තය " 
"අපෝ කමක් නෑ ..ගාන කීයද " ..
 "දෙසීයක් දෙන්න" .. 
"මෙච්චර දුරක් ඇවිත් .." 
"එහෙනම් තුන් සීයක් දෙන්න" 
 "ඇතිද " "අපෝ හොදටම ඇති " .. .. 
මන් 400ක් දුන්න.. "දැන් කොහෙද යන්නේ කටුගස්තොටද" 
"නෑ දැන් මන් අපහු කොලබ යනවා.
එහෙනම් මහත්තය මන් යනවා "..කියල වාහනේ හරවගත්ත ..
මට ඕන උනා පිටිපස්සේ නම්බර් එක බලාගන්න ..,,පිටිපස්සේ කිසිම එළියක් නැති නිසා හරියට නම්බරේ පැහැදිලිව දැක්කේ නෑ ..
මන් අපේ ගෙදරට එන පඩි පෙලේ පැය බාගයක් විතර නතර වෙලා හිටියා ,, ..මේ සිදුවීම අදටත් ප්‍රස්නාර්ථයක් මට

Monday, December 16, 2013

"කොලඔ කොහෙද"


මගෙ පුන්චිම පුන්චි සන්දියෙ අපෙ තාත්තා වැඩ කරේ කොලඔ.ගෙදර එන්නෙ මාසයකට සැරයක්..ඒ ආවාම මන් තාත්තගෙ පස්සෙන්මයි ඉන්නෙ..යන යන තැන අතේ එල්ලිලා යනවා..කොලඔ යන දවසට මගෙන් බේරුමක් නෑ..මන් කොලඔ එක්ක යන්න කියලා..ඒත් කවදාවත් මාව එක්ක යන්නේ නැ ..මට හොරෙන් යන්නෙ..තාත්තා යන වෙලාවට ගෙදර කවුරු හරි මාව බොරු කියල කොහෙ හරි එක්ක යනවා..ආපහු ගෙදර එද්දි තාත්තා නැති බව දැනගත්තම බිම පෙරලි පෙරලි කැ ගහනවා.මිදුලෙ වැලි මුලු අඇග පුරාම ගාගන්නවා..දවසක් අපෙ ගෙදරට ආව නෑ කෙනෙක් තාත්තා කොලඔ යනකම් බොරු කියල මාව වෙන ගෙදරකට එක්ක ගියා,,අයෙ එද්දි තාත්තා නෑ..මන් එදා ඒ කෙනාගෙ කමිසෙ ඉරුවා මතකයි..එක දවසක් මන් කා එක්කවත් යන් නැතුව තාත්තා ලගටම වෙලා හිටියා..කොලඔ යන්න..එදා තාත්තා කිව්වා මන් යන් නෑ..කියලා..කමිසෙ ගලවලා පුටුවෙ වාඩි වෙලාඅ හිටියා ...ඒත් මන් එතනම හිටියා..ඊට පස්සේ අක්කා එක්ක පල්ලෙහා ගෙදරට ගිහින් එන්න කිව්වා..,...මේ ඔර්ලොසුව බැද ගන්න කියලා තාත්තගෙ ඔර්ලොසුව මගෙ අතේ බැන්දා....මන් ඉතින් අක්කා එක්ක ගියා..අයේ ඇවිත් කො තාත්තා මට තාත්තා එක්ක කොලඔ යන්න ඔනෙ කියලා කාමර පුරාම හෙව්ව..ඒත් තාත්තා ගිහින් තිබුනා..මන් මොකද කරෙ ගේ ඉස්සරහ පුන්චි ගලක් තිබුනා..ඔර්ලොසුව ගලවල ගලේ ගහල කුඩු කරා..ඒක කොල පාට MONDIA ඔරලොසුවක්..එදා මන් පුලුවන් තරම් හය්යෙන් කැ ගැහුවා..එද අම්මා මට පොරොන්දු උනා හවස මාව කොලඔ පෙන්නන්න එක්ක යනව කියලා..ඉතින් එදා අම්ම මාව ලිදට එක්ක ගිහින් නාවලා එහෙම..මාව කොලම්බ පෙන්නන්න එක්ක ගියා..පුන්චි තෙ කදු වැටි අතරින්..තේ යායවල් මැදින් ගොඩක් දුර එක්ක ගියා..රබර් ගස් යායක් මැදින් යද්දි අම්මා මට රබර් ඇට අහුලලා දෙනවා..බමරු හදල දෙනවා..කන්දෙ මුදුනට ගිහින් අම්මා ඈතම ඈත කදු යායක් පෙන්නුව..අර තියෙන්නේ කොලඔ ඒ කදු යායෙ මැද හරියෙ රිදී පාට දිග හැඩෙකට හොටලයක් පිහිටල තිබුන ආන් අරකෙ තාත්තා වැඩ කරන්නෙ කියල කිව්ව..හොටලය ලගින් පුන්චියට වගේ දිය අඇල්ලක් කඩා හැලි හැලි තිබුනා..මාව තේ යායෙ වාඩි කරවල තාත්තා ඉන්න ඩිහා බලගෙන ඉන්න කියල අම්ම දර හොයනවා..මන් ඒ දිහා ගොඩක් හවස් වෙනකම් බලා ඉන්නව..අම්මා "දැන් රැ උනනෙ පුතා..අයේ හෙට එමු අපි " කියල මාවත් එක්කරන් එන්න එනව..ඊට පස්සෙත් මන් සමහරදාට උදෙට කියනව "අම්ම අදත් තාත්තා ඉන්න කොලඔ බලන්න යන්" කියල..අම්මා හවස් වරුවට ඒ කන්දට මාව එක්ක ගිහින් ඒ නිලෙන් පිරිච්ච කන්දෙ හුදකලවෙ පිහිටල තියෙන ඒ හොටලය මට පෙන්නනවා...ඔය විදිහට කාලයක් ඒ දිහා බලන් හිටියා..කාලෙකට පස්සෙ තාත්තට කොලබින් එන්න උනා..නොදන්න නොතේරුම් කාලෙන් බහ තොරන වයසට ආවා..කුරුලු වේගයෙන්...කාලයක් ගියාට පස්සෙ තමා දනගත්තෙ අම්ම මට පෙන්නුවෙ කොලඔ කියල HUNNAS FALLS හොටලය කියල..ඒත් මුලු ජිවිතෙ එක දවසක්වත් තාත්ත එක්ක කොලඔ යන්න බැරි උනා..අයෙ කවදාවත් යන්න හම්බ වෙන්නෙත් නෑ

Sunday, December 15, 2013

"රඹුටන් කොඩිය"


බොහෝ ඉස්සර පින්කම් ගෙවල් මල ගෙවල් වල රාත්‍රීන් ගත කරනවා. අපෙ යලුවො..දහය දොලහ වෙනකම් බිස්කට් තේ එහෙම බීලා...කලුවර අදුර ටිකක් වැඩි උනාම අපෙ අය ඉතින් අහල පහල තියෙන කුරුම්බා ..වගේ ගස් වල ගෙඩි වලට වග කියනවා ..එක දවසක් මල ගෙදරක ලගම තිබුනෙ රතුම රතු පාට රඹුටන්  ගහක්. ගෙඩි පිරිලා ඉතිරිලා තිබුනා ගහ පුරාම..එදා රැ අපේ අය රඹුටන්  පොකුරු පොකුරු කඩන් අඇවිත් රස කර කර කෑවා..මස් රබුටන් ..සීතලේ කද්දි අමුතු රසක් ..ඔය අතරේ එතනට රුවන් කියලා මල්ලි කෙනෙක් ආවා..ඒත් ඒ වෙද්දි රඹුටන්  ඉවර වෙලා තිබුනා,,
ඊලග දවසෙ මහ දවාලෙ අපේ ගෙදරට පල්ලෙහා වත්ත පැත්තෙන් කව්දො කෑ ගහන සද්දයක් අඇහුනා මගෙ නම කියල ..මන් පහලට ගියා ..ගම් මිරිස් ගහක් අස්සෙ රුවන් මල්ලි ..මාර වැඩෙ අය්යා..මන් අර ගහේ රඹුටන්  කඩන්න ගියා ,,ඒ ගෙදර අයිතිකාරයා ගහ ගාවට ලොකු පොල්ලකුත් අරන් කවුද රඹුටන්  කඩන්නෙ කියලා..ගහ ගාවට ආවා..මන් පන එපා කියල ගහෙන් පැනල දුවගන ආවා ..දිබියො තාම ඇගෙ කනවා ...මට හිනා ගියා ..මන් ඉතින් රුවන්ට අවශ්ය දේ සපයල විමසලා පිටත් කරල යැව්වා..වෙන පාරකින්.
දවස් දෙක තුනක් යනකම් ගහ අසල රඹුටන්  ගහේ අයිතිකාරයා ගැවසි ගැවසි හිටියා.."මේ සැරේ අල්ලගන්නම් මිනිහා ...ආවදෙන්කො මෙතෙන්ට කියමින් දෙස් දෙවොල් දෙමින් උන්නා...
ගහට පල්ලෙහා පටු පාරක් තියෙනවා...සති දෙක තුනක් යනකම් ඔය පාරේ යන මිනිස්සු හිනා වෙවි ඇගිල්ල දික් කරමින්  "ආන් රුවන්ගෙ රඹුටන්  කොඩිය " කිය කියා එතනින් යනව ..එන්න උනා ...සති දෙක තුනකට පස්සේ ලොකු වැස්සක් වැටුනා,,,,

රඹුටන්  ගහ මුල කොටු වැටිච්ච සරමක් වැටිලා තිබුනා .

Sunday, October 6, 2013

"ගොටු කොළ සහ ඒඩ්ස් "



ඉතින් බලයි ගොටුකොල සහ ඒඩ්ස් අතර මොකක්ද මේ සම්බන්දෙ කියල ..
අනුව දශකේ ඉස් ඉස්සෙල්ලම පටන් ගත්ත කාලේ ..මන් ලිව්ව මුල්ම පොතේ නම "ගොටුකොල සහ ඒඩ්ස් .ඒක හරි අපූරු පොතක් ..සත්‍ය සිදුවීමක් පාදක කරගෙන ලිය වුනු පොතක් ..හැබැයි ඒ පොත කියෙව්වේ අතින් අත සැරිසැරුවේ අපේ යාලු කාන්ඩේ අතර පමණයි ..ඒ දවස් වල අපේ මිත්‍ර සමාගම ඉස්කෝලේ ඇරිලා එද්දී සැතපුමක් විතර පයින් එනවා .. එන අතර මග පුංචි බේකරියක් තියෙනවා ..ඉතින් අපේ කස්ටිය ඔය බේකරියෙන් හවසට උණු උණුවෙ එලියට එන පාන් කාලේ ඒවා අරන් තව මදි පාඩුවට කිරි ටොපි සහ රතු ලුණු අරන් මග දිගට කමින් එක එක කයි කතන්දර දොඩව දොඩවා එනවා ..දවසක් අපිත් එක්ක එන අපිට වඩා වයස අවුරුදු දෙක තුනක් බාල මල්ලි කෙනෙක්.. රෝස පාට ලියුම් කරදහියක් අරන් ඇවිත් තිබුනා ...ඒක love letter එකක් ..පාරේ වැටිලා තිබිලා අහුලන් ඇවිත් ..හොර රහස් ලිපියක් ..
ඒක දිග ඇරලා බැලුවම අපේ ඇස් අහසේ වැදුනා නොවැ ..ඒ ලියුමේ ලියල තිබුනා "හෙට හැන්දෑවේ 3ට මන් ගොටු කොළ කඩන්න එනවා ,,එතකොට
ඔය ඉල්ලුව කිස්ස් එක දෙන්නම් ...".කියල .අපි ඔක්කොම අන්දොස් ...ඉතින් එයින් පස්සේ අපි ඔක්කොම cid වගේ ඔය ලියුම දුන්න තැනැත්ති පස්සේ පැන්නුවා ...ඒ තැනැත්ති සෙනසුරාදා හැන්දෑවට ගොටුකොල කඩන්න යනවා ..නියර දිගේ ...අපේ අය එක එක දේවල් කියන්න පටන් ගත්තා .. ..
"ගොටුකොල කැඩුවට කමක් නෑ .ඒඩ්ස් හදාගන්න එපා කියල ..ඔය කාලේ තමා ඒඩ්ස් වසංගතය ලෝකේ පුරා හිස එසෙව්වේ..ඔය දේවල් ඇහුවම ඉර හැන්ඟෙන හැන්දෑවේ එයාගේ පිපිච්ච මුහුණ මැලවුණු
ගොටුකොල වගේ වෙනවා ..ඊට පස්සේ කාලයක් යනතුරුම අපි එයාව දැක්කේ නෑ ...හැන්දෑවේ ඉර ගල වැටෙන කනිසමේ
කුඹුරු යායට මෙහා පුංචි දොළ පාර අයිනේ ඔවු නොවුන් මුණ ගැහෙන්නට ඇති ..ආදරේ දොළ පාරත් එක්කම දෝරේ ගලන්න ඇති ...කාලයක් යන තුරු ඒ ලියුම අදාල ප්‍රේමවන්තයා කවුද කියන එක ප්‍රශ්නයක් උනා ...89 අග භාගයේ තමා දැන ගත්තෙ ඒ ලියුම දුන්න දවසෙම ඒ ප්‍රේමවන්තයා ගජබා කට්ටිය කුදලන් ගිහින් තිබුන වග ..හමුදාවෙන් එක්ක යද්දී සාක්කුවෙන් ලියුම වැටිලා ..ඒ ලියුම තමා අපි අතට පත් උනේ ..ඒඩ්ස් කෙසේ වෙතත් ගොටු කොළ නම් තාමත් අර දොළ පාර අයිනේ දිය එක්ක පෙම් කෙලිනවා ඇති .. ..

Thursday, September 19, 2013

"ඔරු ඩාන්ස් "


මීට අවුරුදු ගානකට කලින් අවුරුදු දවස් වල අපේ යාළුවො කට්ටිය අමුතු විදිහේ අවුරුදු පාර්ටි එකක් දාන්න කල්පනා කළා ..ඒ තමා පිටි අරන් ගිහින් හද පානේ කමතක් මැද ලිපක් එහෙම හදල රොටි හදන්න ...ඉතින් අපේ කාන්ඩේ අය ෂෝර්ට් එහෙම ගහගෙන රොටි හදන්න අවශ්‍ය බඩු භාණ්ඩත් අරන් හැන්දෑ කොරේ කමත පැත්තට ගියා ...

එදා යාන්තමට වගේ වැහි බීරුම ඉතින් කමත හරියට කිට්ටු වෙද්දීම වගේ පොද වැස්සක් කඩන් පාත් උනා ...ඉතින් අපේ කට්ටිය ඒ ලගම තිබුණු ගෙදරට ගොඩ වැදුනා ..ඒ ගෙදර හිටිය කට්ටිය අපේ අවශ්‍යතාව තේරුම් අරන් රොටි හදන වැඩේ ඒ ගෙදරම කරගන්න අවශ්‍ය කටයුතු සකස් කරලා දුන්නා ..ඉතින් අපේ අයත් දැන් පිටි ලොකු භාජනයකට දාලා කලවම් කරනවා ..ලුණු එකතු කරනවා ...වැඩ කෝටියයි ...කට්ට සම්බෝලයකුත් ඔය අත‍රේ හැදෙනවා ...ඉතින් ටික වෙලාවකට පස්සේ සාජ්ජේ පටන් ගත්තා ..
හෙමින් හෙමින් කිව්ව සින්දු ටිකක් වේගවත් උනා ..ඔය අතරේ එක පාරම ඒ ගෙදර මහා බලවතා කඩා පාත් උනා ...
"හා හා ළමයිනේ හෙමින් හෙමින් අර රාළහාමිලා දෙන්නෙක් ඇවිත් ඉන්නවා ඉස්සරහ ...සද්දේ අඩුවෙන් ...අනික ඔය සද්දෙට මන් වැඩිය කැමති නැ..එහෙනම් හෙමින් ඈ" කියල යන්න ගියා ..

ඊට පස්සේ අපි ටිකක් හෙමින් සින්දු කිව්වා ..ඒත් අයෙත් සද්දේ උච්ච වෙන්න ගත්තා .. එක පාරම මහා බලවතා යක්ශාරුඩ වෙලා අපි හිටපු තැනට ඇවිත් ..."මේ සිංහල තේරෙන් නැද්ද ...අර රාළහාමිලා දෙන්නෙක් ඇවිත් ඉන්නවා ඉස්සරහ ...ඔය මගුල නවත්තනවද ....නැද්ද ..."කියල ඉස්තෝප්පුව පැත්තට ගියා ...අපි ඔක්කොම තක්බීර් උනා ...අපි ආපහු එන්න හැදුවත් ගෙදර අය කීවා ..
"ඔය අපේ තාත්තගේ හැටි ඕවා ගණන් ගන්න එපා ..හදපු රොටි එහෙම කාල යන්න "කියල ...අපි කට්ටියම රොටි එහෙම කාල අහවර උනා විතරයි ...මෙන්න ආයෙත් අර ගෙදර පියා හෙවත් මහා බලවතා අපි ගාවට ආවා ..
'කෝ දැන් මේ කොල්ලෝ ...අය්යෝ බන් උඹල සින්දුවක් වත් කියන් නැද්ද..උඹලා කොල්ලෝ නේද ...මේ අවුරුදු කාලේ නේද ..මේ ඔය කැසට් එක දාන්න ...කෝ දැන් අපේ ගෙදර එකා ...අර ජෝතිගේ පීස් එක ගේන්න ..." දැන් කැසට් එක බෙරිහන් දෙන්න පටන් ගත්ත ...දැන් කට්ටියම හිටපු තැන් වලින් නැගිටලා කකුල් එහා මෙහා කරමින් නටන්න පටන් ගත්තා .සාජ්ජේ සුපිරියටම නැගල යනවා ..එක එක නැටුම් රාශියයි ...සමහරු වලවල් හාරන ඩාන්ස් ...සමහරු එක්සසයිස් ඩාන්ස් ...සමහරු පූස් කුරුමානම් ඩාන්ස් සමහරු කල්පනා ඩාන්ස් හිනා වේවි කට්ටිය නටනවා ...ඔය අතරේ තමා හොදම ඩාන්ස් එක පටන් ගත්තේ අර පියතුමා ..

එයා ඇදන් හිටියේ සුදු පාට බැනියමක් සහ සුදු පාට සරමක් ...
"ඔව්වද බන් උඹලගේ ඩාන්ස් ..මෙන්න බලපල්ලා මේවා තමා ඩාන්ස් කියන්නේ" කියල ..
               සරම දෙකට නවාගෙන ආරුක්කුවක් වගේ එක කොනක් දකුණු අතින් ඉස්සරහට ඇදගෙන අනිත් කොන වම අතින් පිටිපස්සට ඇදගෙන එක කකුලක් ඉස්සරහටත් අනිත් කකුල පිටිපස්සටත් තබාගෙන සින්දුවේ තාලයට එක තැන ඉඳගෙන වගේම ගමනේ යමින් නැටුමක් පටන් ගත්ත නොවැ..
"මෙව්වට තමයි බන් කියන්නේ ඔරු ඩාන්ස් කියල ..උඹලත් දාහල්ලා ඔරු ඩාන්ස් ..රාළහාමිලා දෙන්නෙක් නෙවේ ලංකාවේ පොලිස් දෙපාර්තමේන්තුව ආවත් උඹල සින්දු කියල ඔරු පැදපල්ලා ..මේ ගෙදර අනිත් පැත්ත පෙරලලා පලයල්ලා "කියමින් සිංහ ගර්ජනා හඬ නැගුවා ... ටික වෙලාවකින් අපේ කට්ටියත් එකින් එකා ඔරු ඩාන්ස් දාන්න පටන් ගත්ත ...
දැන් ගෙදර ඉස්සරහ ඔක්කොම ඔරු පදිනවා ...පාරු පදිනවා ...අඩුවකට තිබ්බේ ගගක් මුහුදක් අඩු එක විතරයි ..

පාන්දර දෙකට විතර අවුරුදු සාජ්ජේ ඉවර වෙලා අපේ කට්ටිය එන්න ආවා ..දවස් දෙකකට විතර පස්සේ එස් එම එස් පණිවිඩයක් නෙවේ ...අසල්වැසි පණිවිඩයක් ඇවිත් තිබුනා අපේ කට්ටියටම අර මහ බලවතාගෙන් ....
"එදා අපේ ගෙදරට ඇවිත් රොටි එහෙම කාල ගෙදර තිබ්බ ඔක්කොම සරම් ටික උන් උස්සන් ගිහින් .. ගෙනත් දුන් නැත්නම් රාළහාමිලා දෙන්නට කියනවා " කියල ....

Saturday, May 11, 2013

"නිව් ස්ටාර්"


නිව් ස්ටාර් කියල ක්‍රිකට් ටීම් එකක් තිබුනා අපේ ගමේ ..

ඉතින් ඒ පිලේ ආරම්භක වේග පන්දු යවන්නා උනේ මේ ලියුම් කරු ..මට මතකයි මන් පන්දුව අතට ගත්තම මන් ගැන දන්නා ගොඩක් අයගේ කකුල් මැඩ්ලින්  ගහනවා ..ප්‍රතිවාදීන්ට ලොකු තර්ජනාන්ගුලියක් මගේ පන්දු යැවීම .කොහොමත් මුල් පන්දු ඕවර හය හත වෙද්දී ප්‍රතිවාදීන් සියල්ලම දැවී ගොස් අහවර වෙනවා ..හිතා ගැනීමට නොහැකි මටම ආවේනික යෝකර් පන්දුව වැටෙද්දී පිතිකරුවන්  අන්ද මන්ද වුනු හැටි තාම මතකයි ...ඉඳ හිටෙක පන්දුව දග කවන්නත් ශුරයෙක් ඒ දවස් වල ...මට හොඳට මතකයි එක තරගයකදී මුල් ඉනිමේ වේග පන්දු යවල කඩුලු 7ක් සහ දෙවැනි ඉනිමේ දග පන්දු යවල කඩුලු 6ක් දවාගත්ත අවස්තාව ..ඒ දවස් වල මට ක්‍රිකට් උණක් තිබුනා  ..

සිකුරාදාට  ක්‍රීඩා පත්තරේ අනිවාර්යෙන් ගන්නවා ..ක්‍රීඩා පත්තරේ ලිපි ලිව්ව ක්‍රිස්ටෝපර් රණසිංහ ..සදුන් ප්‍රේමතිලක වගේ අයත් මතකයි ..ඒ වගේම පත්තරේ ලකුණු සටහන් ..ක්‍රීඩකයන්ගේ වග තුග ..පින්තුර අලවපු ලොකු පොතක් තිබුනා මන් ගාව ..
මගේ ප්‍රියතම ක්‍රීඩකයා උනේ අරවින්ද ද සිල්වා ..
මට මතකයි මුල්ම සජීව තරගයක් බලන්න නුවර අස්ගිරි ග්‍රවුන්ඩ් එකට තාත්තගේ අතේ එල්ලිලා ගිය හැටි ..එදා තිබුනේ ශ්‍රී ලංකා පකිස්තාන් ටෙස්ට් තරගයක් ..අස්ගිරිය ක්‍රිකට් පිටිය පුරා සිදත් වෙත්තමුණි ..අමල් සිල්වා ..අරවින්ද ද සිල්වා..අර්ජුන රණතුංග .. දුලිප් මෙන්ඩිස් රෝයි ඩයස් ..අසන්තද මැල් ..රුමේෂ් රත්නායක ..රවී රත්නායක ආදී ක්‍රීඩකයන් විසිරිලා පන්දු රැකීමේ යෙදිලා හිටියා ..එදා දවස පුරාම  වගේ මට දකින්න පුළුවන් උනේ පකිස්තානය වෙනුවෙන් පන්දුවට පහර දුන් මුදාසර් නසාර් සහ සලීම් මලික් විතරයි ..
එදා තමා මන් මුලින්ම අයිස් චොක් එකක රස වින්දේ ...හවස එද්දී තාත්තා නුවර මාර්කට් එකෙන් පුංචි ටෙලෙස්කෝප්  එකක් අරන් දුන්නා ..
ඒ දවස් වල ටෙස්ට් තරග උනත් මන් රූපවාහිනියෙන් බලන්න  මට තිබුනේ  පුදුම ආසාවක් ..සාජා තරගයකදී පකිස්තානයේ ජාවෙඩ් මියාන්ඩා ඩ් ඉන්දියාවේ චේතාන් ශර්මාගේ අන්තිම ඔවරේ අන් තිම පන්දුවට හයේ පහරක් සමගින්  තරගය අවසන් කල අපුරුව.. ඒ තරගය අනුන්ගේ ගෙදරකින් බැලුවේ එළියේ ජනේලෙකින් එල්ලිලා පොඩි සිදුරකින් ..ගුවන් විදුලියේ හැමදාම හවස පහට විකාශනය උණු ක්‍රීඩා සංග්‍රහය නොවරදාවම ඇහුවා,, වැඩසටහන ඉදිරිපත් කලේ අශෝක කරුණානායක ..ඒ කාලේ දුටුව සුවිශේස ක්‍රීඩකයන් අතර බටහිර ඉන්දීය කොදෙව් දුපත් හි ..ගෝර්ඩන් ග්‍රිනිජ්කොදෙව් දුපත් හි ..ගෝර්ඩන් ග්‍රිනිජ් ,ඩෙස්මන් හේන්ස් ,රිචි රිචඩ්සන් ,,විවියන් රිචඩ්ස් ..ඔගස් ලොගි ..ජෙෆ් ඩුජෝන් කාල් හුපර් මැල්කම් මාර්ෂල් ,ජොඑල් ගානර් මයිකල්  හෝල්ඩින් .රොජර් හාපර් ..නවසිලන්තේ මාර්ටින් ක්‍රෝ ජෙෆ් ක්‍රෝ රිචඩ් හැඩ්ලි ඇන්ඩ්රු ජෝන්ස් ,ඉයන් ස්මිත් ඕස්ට්‍රේලියාවේ ඇලන් බෝර්ඩර් මාර්ක් වෝ ස්ටීව් වෝ ඩීන් ජෝන්ස් ක්‍රෙග් මැක්ඩ්ර්මට් ජෙෆ් මාර්ෂ් ඩේවිඩ් බුන් ..එංගලන්තේ ඩේවිඩ් ගවර් මයික් ගැටින් ඉයන් බොතම් පාකිස්තානේ වසීම් අක්රම් ඉම්රාන් ඛාන් ..ජාවෙඩ් මියන්ඩා ඩ් ..සලීම් මලික් රමිස් රාජා .ඉන්දියාවේ සුනිල් ගවස්කාර් ක්‍රිෂ්නමචාරී ශ්‍රී කාන්ත් දිලිප් වෙන්සාකර් කපිල් දේව් මොහොමඩ් අසරුදීන් මොහින්දර් අමරනාත් රවී ශාස්ත්‍රී ..දකුණු අප්‍රිකාවේ හැන්සි ක්‍රොන්යේ ..කෙප්ලර් වෙසල්ස් ඇලන් ඩොනල්ඩ් ,(ක්‍රිශ් ගේල් ..සහිඩ් අෆ්රිඩි වැනි කස කරුවන් ගැන පසුව ලියමි )දුටු සුන්රතම දසුන් අතර වෙස්ට් ඉන්ඩිස් වල කර්ට්ලි ඇම්බ්‍රෝස් කඩුල්ලක් දවාගත්තම ඔහුටම අවේනිකව  යෙදෙන නර්තනය ..මොරටුවේ තරගයකදී ජාවෙඩ් මියන්දඩ් ලකුණු නොලබා දැවී ගිය විට ප්‍රේක්ෂකයෙක් හූ  කියද්දී ඔහු පසුපස බැට් එකත් රැගෙන පහර දීමට පැන්නී ම ..1996 ලෝක කුසලාන ජයග්‍රහණයත් ..සර් විවියන් රිචඩ්ස් කවදාවත් හිස් ආවරණ පැළදුවේ නැති කෙනෙක් ,,, ස්ටීව් වෝ ට ඕස්ට්‍රේලියාවේ ලේබර් පක්ෂෙන් වගේඅම ලිබරල් පක්සෙන් චන්දෙට එන්න කිව්වත් කාරුණිකව එය ප්‍රතිෂේප කිරීම ..දකුණු අප්‍රිකාවේ පාවෙන පුළුන් රොද ජොන්ටි රෝඩ්ස් ගේ ගුවනේ පන්දු රැකීම..ලොව විශිෂ්ටතම පිතිකරුවා දොන් බ්‍රඩ්මන් සාමාන්‍ය 99.94.තව එක ලකුණක් ගත්තනම් සාමාන්‍ය 100ක් ..අන්තිම තරගයේ අවසන් පන්දුවේ ලකුණක් රැස් කිරීමට නොහැකි වූවේ  හිතේ දුකත් එක්කම ඇස් වල කදුලක් නිසා පන්දුව හරියට නොපෙනීම නිසා බව ඔහු ප්‍රකාශ කර තිබුනා ..

මා දුටු ලොව දක්ෂතම පිතිකරු වමත් බ්‍රයන් ලාරා ..දකුණත් සචින් තෙන්ඩුල්කාර් ..වේග පන්දු යවන්නන් වසීම් අක්රම් කර්ට්නි වොල්ෂ් ,,ග්ලෙන් මැ ක්ග්රත් ..දග පන්දු යවන්නන් මුත්තය්යා මුරලිධරන් ..ෂේන් වෝන් ...ලස්සනම පිතිකරුවන් සිදත් වෙත්තමුණි රාහුල්  ඩ්‍රාවිඩ්  ..කඩුලු අතර වේගවත්ම දිව යන්නා සනත් ජයසූරිය ..පන්දු රකින්නන් ජොන්ටි රෝඩ්ස් උපුල් චන්දන ප්‍රියතම විනිසුරුවන් ඩිකී බර්ඩ් බිලි බොර්ඩන් ,,සිංහල විස්තර විචාරය නම් ප්‍රේමසර ඈපාසිංහ පාලිත පෙරේරා  ඉංග්‍රීසි විචාරය නම් ටෝනි ග්‍රෙග් රමිෂ් රාජා රවී ශාස්ත්‍රී .
..හොඳම ක්‍රීඩාංගන ලෝර්ඩ්ස් සහ සිඩ්නි ...ලස්සනම ක්‍රීඩා පිටි දකුණු අප්‍රිකාවේ කේප් ටවුන් නිව් ලෑන්ඩ් ..ඉන්දියාවේ ධර්ම ශාලා ..නවසීලන්තයේ ක්වීන්ස් ටවුන්  එංගන්තයේ ඩර්හැම් රිවර් සයිඩ් බටහිර ඉන්දීය කොදෙව් හි සෙන්ට් වින්සන්ට්  ,,,